Zwar aktuell nur draußen und mid de Hygienemaßnahmen, aba mia gfrein uns narrisch, dass ma wieda midanand proben derfen und hoffan, dass des a möglichst lang so bleibt.

Name: Tobias Berger

Alter: 19

Mitglied seit 2006

Amt: 2.Vorplattler

Warum bist du beim Trachtenverein?

Da Tobi is bei unsam Verein, dabei weil do sei Familie a scho ganz lang aktiv is und weil’s für eam schee is, dass er de kloana Kinder midaufwachsn siegt. Außerdem gfreid er sich, wenn er vo da Kindagruppen bis zu de Aktiven midhoifa und dene as Trachtenwesen und de Tradition näher bringer kon.

Name: Thomas Berger

Alter: 24

Seit wann dabei: 2002

Amt: 1. Vorplattler

Warum bist du beim Trachtenverein?

De Leidenschaft fürn Trachtenverein is mir über mei Familie scho in de Wiege gelegt worden. Durch mei Amt ois Vorplattler hobe de Möglichkeit, de Freid am Plattln und Tanzn an jüngere weiter zu geben.

Des Gemeinschaftsgefühl, des durchs gemeinsame Tanzn, aber ah durch Auftritte und Ausflüge entsteht, zeigt, dass i des richtige mach.

Mia daugts einfach und i gfrei mi scho auf de nächste Trachtenprob…

Name: Franziska Glück

Alter: 17

Mitglied seit 2011

Amt: 2. Jugendleiter

Warum bist du beim Trachtenverein?

Unsa Franzi hod scho als kloans Kind vui und gern draht und irgendwann hod ihr Papa sie auf de Idee bracht, dass sie zum Trachtenverein geh kannd. Sie war von Anfang an voi begeistert und hod sich a glei guad aufgnomma und dahoam gefühlt. Sie mecht des Gefühl der Gemeinschaft und Geborgenheit, des sie bis heid no verspürt, an de anderen weitergem und aufzoang, wia vui Spaß das Tanzen macha kon.

Name: Stefan Huber

Alter: 20

Seit wann dabei:2016

Amt : 1. Jugendleiter

Warum bist du beim Trachtenverein?

Einerseits wega da Liebe. Andererseits hod da Stefan eigentlich sei Trachtenleben in am anderen Trachtenverein ogfangt. Als er dann durch an Zufall zu uns kemma is und sich glei wia dahoam gefühlt hod, is er dementsprechend schnoi bei uns “reigwochsn”. Jetzt gfreid er sich auf sei Amt als 1.Jugendleiter.