Kategorie-Archive: Startseite Berichte

SAVE THE DATE – Trachtenfest Lengmoos 2023

Veröffentlicht am  von
❗SAVE THE DATE❗
100 Jahre Trachtenverein Lengmoos – des gherd gfeiert!
Vo 28.7-31.7.2023 🗓️ feiert da Trachtenverein Allmannsau – Lengmoos as 100-jährige Bestehen!💯🥳
De Planungen und Vorbereitungen laffan bereits.🔝
Aiso speicherts den Termin glei in eichane Kalender ei und gebts es weida, damit wir in zwoa Jahr a baar scheene Festtage midnand verbringen kinnan.🤗

Gartenfest

Veröffentlicht am  von
Nach 1-jähriger Pause ham wir am Sonntag mit großer Motivation und Freude wieder unsa alljährliches Gartenfest veranstalten derfa.🥳
A herzlichs Vergelts God gilt ollen Helfer -und Helferinnen, de dazua beigetragen ham, dass in der aktuellen Situation des Fest so reibungslos glaffa is.🤝🏼😊
A besonderer Dank gehd an de Äigridschn Muse 🎶de gschneidig aufgspuid hod und uns bei unsane Tänze hervorragend begleitet hod.🕺💃👏🏼

Probenstart nach Lockdown

Veröffentlicht am  von
*ENDLICH*🥳🥰
Endlich is wieder so weit, wir derfan a wieder proben.🍾🥳
Zwar aktuell nur draußen und mid de Hygienemaßnahmen📝, aba mia gfrein uns narrisch🥰, dass ma wieda midanand proben derfen und hoffan, dass des a möglichst lang so bleibt.🤗😍

Wir haben ein neues Logo

Veröffentlicht am  von
🎉 ÜBERRASCHUNG 🎉
Wie scho letzte Woche ogsprocha, ham wir heid a Überraschung, de uns sehr am Herzen liegt.🤗
A neues LOGO des wir mid vui Freid, vui Arbad 🤯 und vorallem mit vui Herz ❤️ entwickelt, erstellt und bearbeitet🧐 ham.
Eigentlich wuid mas scho vui friara bei da Jahreshauptversammlung vorstellen, aber de is ja dann leider obgsogt woan, wie so vieles im Jahr 2020.😥
Wir hoffan, dass eich des Logo gfoid und wir uns boid wieder treffa derfan damit ma des gebührend einweihen kinnan.🍻

Geschenke der Weihnachtsengel

Veröffentlicht am  von
Grias eich 🤗
wir hoffan, dass ihr olle guad ins neie Jahr gestartet seits.🥳
Heid warn Weihnachtsengel👼 unterwegs und ham gloane Geschenke🎁 verteilt, um zum zoang, dass wir trotz abgesagter Weihnachtsfeier unsere Mitglieder ned vergessen.
(P.S.: Seits gespannt auf de nächsten Tage, es gibt vielleicht a Überraschung🤫😉)

Online-Plattlerproben über Zoom

Veröffentlicht am  von
Grias eich 🤗
vui von eich wissen ja, dass wega da aktuellen Lage koane Trachtenproben mehr stattfinden kinnan😥.
Deswegen ham wir uns wos eifoin lossn, dass unsane Buama as Plattln ned verlernen und unsane Mädels sportlich bleim.🥳😂
Für de Buam🕺 gibt’s Online-Plattlerproben und für de Mädels💃 Workouts, beides natürlich über Zoom.😉

Vorstellung Jugendleiterteam – 2. Dirndlvertreterin

Veröffentlicht am  von
Als letztes kimmd no de 2. Dirndlvertreterin. Wir hoffan, dass eich gfoin und interessiert hod.✌🏼
Name: Alina Ströbel
Alter: 17
Mitglied seit 2012
Amt: 2. Dirndlvertreterin
Warum bist du beim Trachtenverein?
Unsa Alina is beim Trachtenverein, weil sie einfach sehr gern danzt und ihrer des Spaß macht, wenn sie der Jugend und de Kinder des weida gem konn, wos sie moi glernt hod. Sie finds außerdem a schee, mit de Leid an haufa Gaudi zum hom. Sie beschreibt an Trachtenverein ois warads a große Familie, auf de ma sich immer verlassen konn, de immer für oan do han und mit dene ma einfach lacha konn.

Vorstellung Jugendleiterteam – 1. Dirndlvertreterin

Veröffentlicht am  von
Als nächstes kimmd de 1. Dirndlvertreterin
Name: Miriam Berger
Alter: 18
Mitglied seit 2009
Amt: 1. Dirndlvertreterin
Warum bist du beim Trachtenverein?
Genau konn unsa Mimi des ned erklären, was sie damois ois kloans Kind so fasziniert hod am Trachtenverein. Dabei bliem is sie auf jeden Foi wega der freundschaftlichen und unterstützenden Gemeinschaft innerhalb vom Verein.

Vorstellung Jugendleiterteam – 2. Vorplattler

Veröffentlicht am  von
Es geht weiter!🤗
Name: Tobias Berger
Alter: 19
Mitglied seit 2006
Amt: 2.Vorplattler
Warum bist du beim Trachtenverein?
Da Tobi is bei unsam Verein, dabei weil do sei Familie a scho ganz lang aktiv is und weil’s für eam schee is, dass er de kloana Kinder midaufwachsn siegt. Außerdem gfreid er sich, wenn er vo da Kindagruppen bis zu de Aktiven midhoifa und dene as Trachtenwesen und de Tradition näher bringer kon.